Arbana u komunikon dy baorëve të mbetur se një prej tyre eshte  fituesi i Big Brother Albania 3.Jetmiri eshte konkurrenti fitues i Big Brother Albania 3.

Jetmiri ka fituar edicionin e sivjetmë të “Big Brother Albania” në natën finale të të shtunës mbrëma, e cila përmbyll spektaklin që zgjati 16 javë.

Paraprakisht u eliminua Jona, e cila kishte qenë njëra nga katër të nominuarit nga java që shkoi, së bashku me Erionin, Mirin dhe Klodin.

Kështu, Domenikës, e cila që nga java e kaluar ishte finaliste, iu bashkëngjitën Klodi, Jetmiri dhe Erioni për të përbërë katërshen finaliste.

Më pastaj me radhë nga finalistët u eliminuan Klodi, Erioni dhe në fund Domenika, duke lënë vetëm një banor brenda në shtëpi, dhe kështu Jetmiri automatikisht shpallet fitues i edicionit të tretë të “Big Brother.

Arbana u komunikon tre baorëve të mbetur se një prej tyre duhet të lërë shtëpinë e BB. Të tre finalistët duken edhe më të emocionuar sesa më parë.

Ata qëndrojnë në ankth për vendimin e publikut. Arbana u komunikon se Erioni është finalisti i klasifikuar i treti.

Erioni duket i mërzitur, por i detyruar për të lënë shtëpinë. Ai takohet me Domenikën dhe me mikun e tij në shtëpi, Mirin.

Kur del, edhe Erioni ndal pranë pishinës, dhe befasohet edhe më shumë kur jashtë e mirëpresin shumë fansa të cilët brohorasin për të. Erioni duket i kënaqur nga kjo pritje, por gjithashtu thërret edhe “Forca Miri”. Sikurse Klodi, edhe Erioni nënshkruan emrin e tij në një nga yjet e përgatitur enkas për këtë rast. I emocionuar, niset drejt studios i shoqëruar me fishekzjarre.

Në shtëpi, edhe Miri dhe Domenika dalin në obrr të kuriozuar nga zhurmat jashtë shtëpisë. Miri shprehet se u mërzit që doli Erioni, madje nëse do mundte, do ndërronte vendin me të.

Arbana e quan Erionin si “kazanova” nga raportet e krijuara me vajzat. Por, Ariani mendon se pikërisht nga këto raporte, Erioni mund të jetë i pëlqyer ose jo nga publiku.

Sipas tij, nominimi e forcon një personazh, por ai është nominuar pak herë. Gjithashtu, Ariani mendon se një mundësi tjetër që e ka penalizuar Erionin mund të jetë lëkundja e tij, qoftë me vajzat, qoftë me banorët e tjerë.

Arbana njofton banorët se tashmë ka ardhur momenti që të njëri prej finalistëve të lërë shtëpinë. Banorët duken në ankth dhe presin plot emocion vendimin e publikut.

Arbana u komunikon se Klodi është i eleminuari i parë nga katër finalistët. Klodi ngrihet menjëherë dhe përshëndetet me banorët e ndahet me ta.

Klodi, përpara se të dalë nga shtëpia, ndalet përpara pishinës ku shikon katër monitorë për finalistët e në monitorin e përgatitur për të, shfaqen disa momente të bukura nga qëndrimi i tij në shtëpi.

Ai del nga shtëpia dhe emocionohet kur jashtë shikon një pritje të madhe nga publiku.

Ai takohet me Enon i cili e fton që si finalist i këtij edicioni, të nënshkruajë në një mga yjet e vendosura në tapetin e kuq. Klodi nënshkruan e me duartrokitje niset për në studio.

Të gjithë e dinë tashmë historinë e Klodit, një rrëfim i cili është komentuar sëshumti edhe në BB.

Ai ka treguar shumë pjesë tëkarakterit të tij duke e klasifikuar veten si një personazh i vecantë, plot dinjitet që e ka përdorur atë mjaft mirë në lojën e tij.

Për Klodin dimë edhe raportin e munguar me të atin e po ashtu edhe raportin e vecantë e të bukur me të ëmën, me të cilën ka ndarë gëzime e hidhërime, por që nuk shihet prej kohësh. Arbana e fton Klodin të dalë jashtë shtëpisë.

Klodi duket i emocionuar dhe emocionohet e preket edhe më shumë kur shikon në një skenë nënën e tij duke kërcyer me një balerin këngën e tij të preferuar “Valsi i lumturisë” e kënduar nga Vace Zela. Ai shkon menjëherë pranë saj, e duke qarë, e përqafon fort. balerini largohet duke i lënë radhën atij që të vazhdojë vallëzimin. E ëma e përqafon dhe e qetëson.

Në përfundim të këngës, Arbana i thotë se shqetësismi i tij më madh, së si do e presë nëna e tij rrëfimin për homoseksualitetin e tij tashmë u shua pasi u duk hapur përkrahja e saj me anë të pjesmarrjes në këtë surprizë. Klodi falenderon dhe i emocionuar ndahet me nënën e tij për t’u takuar më pas.

Tashmë është radha e Erionit për të parë surprizën e përgatitur për të. arbana e fton të dalë në kopsht dhe atje habitet kur shikon errësirë, duke bërë edhe disa batuta për frikën nga errësira.

Por, në errësië, ai shquan miqtë e tij të ngushtë të cilët e presin në një ambient sikur të jenë në pub.

Erioni i takon plot mall, ndërsa në sfond është vendosur kënga e preferuar e tij, kënga e Aleksandër Gjokës, mik mjaft i mirë i tij. Por, Aleksandër Gjoka e surprizon me prezencën e tij në shtëpi i cili është duke i kënduar këngën Erionit.

Përvec Aleksandër Gjokës, për Erionin vjen edhe një tjetër person shumë i vecantë për të, Bertina. Edhe ajo vjen duke i kënduar këngën e preferuar. Erioni e takon dhe e përqafon atë dhe të gjithë sëbashku këndojnë. Erioni i falenderon për surprizën e bukur.

Ai, pasi bisedon pak, përshëndetet me të gjithë miqtë e tij dhe me të dashurën mjaft i lumtur që i ritakoi. Erioni futet në shtëpi ku me banorët komenton surprizën e mëparshme.

Ariani e komenton reagimin e Erionit gjatë surprizës si tepër të vecantë. Ai mendon se pavarësisht emocioneve të shumta, Erioni di të sjellë batutën dhe shakanë, pjesë të karakterit të tij, në cdo moment.

Sipas tij, temperamenti i thjesht dhe i drejtpërdrejt, bën që të jetë i pëlqyeshëm nga të gjithë, më së shumti nga vajzat.

Jona vjen në studion e BB. Kur Arbana e pyet nëse i vjen keq për largimin nga shtëpia, Jona shprehet se e priste këtë moment, madje që gjatë spektaklit të kaluar.

Ajo e konsideron pjesmarrjen në BB si një eksperiencë shumë të bukur e të vecantë, për të cilën do ketë mundësi të tregojë gjatë.

Ajo thotë se kishte hyrë me qëllimin për të njohur miq të rinj, të njihej me karaktere të ndryshme e për të përjetuar një eksperiencë të re.

Në lidhje me karakterin luftarak që ajo shfaqi kundrejt djemve, përpos edukatës, ëmbëlsisë, kulturës e zgjuarsisë, Jona shprehet se pavarësisht se cfarë ndodhi, sëbashku me dy djemtë, Erionin dhe Mirin, cdo gjë ia kanë lënë asaj shtëpie e jashtë nuk do kenë mëri ndaj njeri-tjetrit. Ariani e komplimenton për karakterin e saj dhe që i doli mbanë hapur maskilizmit të dy djemve.

Por, ai thotë se nuk i kanë pëlqyer dy gjëra tek Jona, së pari që si karakter tepër vital, shpërtheu pak vonë në shtëpi, vetëm nga ngacmimet e dy djemve dhe së dyti se ka folur shumë për Afrikën e Jugut e Chrisin e thuajse fare për jetën e saj në Shqipëri e në Librazhd.

Për vërejtjen e parë, Jona shprehet se jeta në shtëpinë e BB është ndryshe nga ajo që konceptohet. Sipas saj, presionet e shumta nga banorët e tjerë e bënë që të tërhiqej e të qëndronte më e qetë në përballjen me ta.

Për vërejtjen e dytë, Jona tregon se ka folur e treguar për jetën e saj, në cdo aspekt, por kanë qënë banorët që kanë marrë në konsideratë vetëm atë pjesë të jetës së saj e që e kanë ngacmuar vazhdimisht. Për Jonën jepet edhe klipi me momentet më të bukura në shtëpi, ku pjesë e tij janë edhe debatet e saj me dy djemt.

Arbana i kërkon Jetmirit që të dalë jashtë shtëpisë së BB, pasi aty e pret një surprizë e këndshme.

Ai kalon edhe zonën e tunelit për të dalë jashtë shtëpisë dhe befasohet kur shikon një ambient të ngjashëm me atë përpara shtëpisë së tij.

Miri ulet në nëj karrike e përballë tij është një monitor ku shfaqen disa pjesë nga rrëfimet e tij në dhomën e rrëfimit.

Pjesët filmike tregojnë rrëfimin e Mirit për jetën e tij, një rrëfim prekës që asnjëherë më parë nuk e kishte realizuar me banorët.

Por, këto pjesë filmike, ndërpriten herë pas here për t’u alternuar me rrëfimin e jetës së Mirit nga një aktor-shkrimtar i cili është ulur përballë tij në një podium me një makinë shkrimi përpara, duke krijuar imazhin sikur po e shkruan historinë në një libër.

Pjesët filmike dhe rrëfimi i shkrimtarit alternohen vazhdimisht, kurse Miri shikon plot emocion këtë përgatitje e surprizë për të. në skenën e përgatitur për Mirin janë vendosur edhe disa stola. Ato ndodhen përballë tij.

Në to ulen prindërit, gjyshi dhe daja, personat më të afërt të tij. Në përfundim të rrëfimit, Miri shkon t’i takojë plot mall ata, vecanërisht gjyshin që është personi më i shtrenjt i tij. Pasi qëndron pak caste me ta, Miri ndahet dhe shkon t’u tregojë banorëve surprizën që i bënë.

Pas daljes së Jonës, Arbana njofton zyrtarisht finalistët e këtij edicioni që janë Domenika, Erioni, Jetmiri dhe Klodi të cilët do t’i gëzohen deri në fund aventurës së tyre.

Ajo i përgëzon ata, nërsa ata duken vërtetë të lumtur dhe brohorasin nga gëzimi. Arbana i kërkon finalistëve që të ulen sëbashku, pasi sërish ata janë ulur si cdo javë të ndarë në dy grupe. Ata nuk hezitojnë aspak dhe sëbashku ulen në një kolltuk të vogël, duke treguar unitet në këto caste të fundit. Tashmë, zyrtarisht hapet televotimi se cili do të fitojë Big Brother.

Për të gjithë banorët është rezervuar nga një surprizë. Protagonistja e radhës është Domenika ku surpriza për të ka një karakter romantik. Domenika është finalistja e vetme vajzë e këtij edicioni, një vajzë plot vlera artistike, një karakter pozitiv që ka dhuruar shumë emocione si e vetme, ashtu edhe në sajë të lidhjes së saj me Seldin. Arbana i kërkon Domenikës të dalë në oborr, pasi aty do të realizohet një ëndërr e bukur.

Domenika befasohet kur aty shikon disa shkallë të zbukuruara të cilat duhet t’i ngjisë, duke marrë kështu rolin e Zhuljetës. Ajo vesh një mantel roz i cili i përshtatet ambienti romantik. Edhe Romeoja i saj nuk mungon. Seldi vjen pikërisht i veshur si ky personazh e nën tingujt e muzikës romantike, ai i dedikon një poezi. Por, surpriza nuk ka përfunduar me kaq sepse Seldi i propozon për herë të dytë që të fejohen.

Domenika emocionohet shumë kur e sheh e akoma më shumë për propozimin e tij. Ajo zbret nga shkallët dhe e puth e përqafon plot mall Seldin dhe i kthen një përgjigje pozitive për propozimin e Seldit i cili tashmë është ulur në gjunj. Ai i dhuron një varëse të cilën ia vë në qafë. Domenika nuk resht së puthuri Seldin duke dhuruar të dy momente shumë emocionuese. Pasi qëndrojnë për pak caste, dy të rinjtë ndahen për t’u takuar vetëm disa momente më vonë. Domenika futet e emocionuar dhe e gëzuar në shtëpi.

Arbana e komenyon këtë surprizë me Valentinën, mamanë e saj e cila shprehet se e përkrah dhe e mbështet vajzën e saj në cdo vendim që merr. Ajo thotë se beson shumë në dashurinë e dy të rinjve.

Opinionisti, Ariani shprehet se Domenika e ka befasuar me sjelljen e saj, pasi lirshmëria që e karakterizon atë e bën të jetë një person shumë i dashur e shumë i pëlqyer nga të gjithë.

Arbana njofton që në fillim të këtij spektakli se tashmë do të njihen emrat e tre finalistëve të tjerë, pasi përvec Domenikës e cila u bë e njohur që spektaklin e kaluar, tre të tjerët kanë qënë një surprizë e vërtetë për të gjithë.

Kështu, ajo deklaron të mbyllur televotimin që ka qënë i hapur përgjatë gjithë javës në të cilin votohej për të eleminuar banorin e fundit të nominuar prej vetë konkurentëve. Arbana përshëndet banorët që ndodhen në ankth në pritje të vendimit. Ata shprehen se janë shumë të emocionuar e nuk kanë fjalë si ta përshkruajnë gjendjen e tyre.

Arbana u jep kurajo se sidoqoftë që të shkojnë gjërat, ata mbeten të gjithë fitues, por, fatkeqsisht, njëri prej tyre s’do ta prekë dot finalen, edhe pse ndodhet në natën e finales. Ky banor është Jona e cila e përfundon këtu aventurën e saj në këtë shtëpi.

Por, Jona do të qëndrojë edhe pak caste në shtëpi pasi për të është rezervuar një surprizë e vecantë. Të premten ka qënë ditëlindja e Jonës e cila e ka festuar me banorët në shtëpinë e BB, ndryshe nga vitet e tjera ku pranë saj kanë qënë persona më të afërt.

Për të ka një dhuratë të vecantë, pikërisht nga një i afërm i saj, i cili ka menduar për të në këtë mbrëmje. Arbana i kërkon Jonës që të shkojë në dhomën e kuqe. Jona përshëndetet përfundimisht brenda shtëpisë me banorët dhe niset plot emocione për në dhomën e kuqe.

Ajo befasohet kur aty gjen një tortë gjigande dhe mendon se brenda saj mund të ketë ndonjë njeri. Në monitor shfaqen imazhet e një zemre gjigande të formuara nga makina të shumta dhe në qendër i dashuri i saj i cili i jep urimin për ditëlindje si në anglisht, edhe në shqip.

Jona emocionohet. Në dhomën e kuqe fillon kënga tradicionale me rastin e ditëlindjes e nga torta gjigande del Chris, i dashuri saj. Jona surprizohet pa masë dhe menjëherë e puth dhe përqafon plot mall atë. Ajo shprehet se është shumë e lulmtur dhe se realisht ajo e fitoi këtë BB.

Jona del nga shtëpia e BB e pritur nga duartrokitje nga publiku që ndodhet jashtë. Në një bisedë të shkurtër me Enon, ajo përsërit se edhe pse nuk është finaliste apo fituese, ajo e ndjen veten si të tillë, si fituese.

Rrugëtimit të gjatë të Big Brother 3 po i vjen fundi. Cdo gjë do të mbyllet në përfundim të këtij spektakli, por jo fama dhe emocionet e banorëve të cilët edhe pas daljes nga shtëpia e BB, sërish do të jenë në qendër të vëmendjes nga publiku i gjerë e vecanërisht nga fansat e tyre.

Ndryshe nga spektaklet e tjerë, kjo mbrëmje do të rezervojë më shumë të reja, të papritura, emocione, ankth e gëzim për konkurentët, pasi njëri prej tyre do të shpallet fituesi i këtij edicioni.

Edhe spektakli i kësaj mbrëmjeje fillon ndryshe, pasi menjëherë bëhet një lidhje me shtëpinë e famshme të BB, por me pjesën e jashte ku aty ndodhen ish konkurentë të edicioneve të kaluara e të këtij edicioni, të cilët kanë organizuar një surprizë.

Ata janë vendosur në një skenë të improvizuar në hyrje të shtëpisë dhe këndojnë një këngë përshëndetëse për Big Brother, një ftesë për të provuar këtë ëndërr, këtë aventurë të vecantë.

Në studio hyn Arbana e cila përshëndet publikun dhe e falenderon atë për mbështetjen, dashurinë dhe pasionin me të cilin ka ndjekur përgjatë gjithë kësaj kohe këtë aventurë të jashtëzakonshme të 21 banorëve. Arbana përshëndet edhe Arian Konomin, opinionistin e këtij edicioni. Ai shprehet se i vjen keq që i erdhi fundi këtij edicioni. Ai jep një opinion paraprak për banorët dhe i quan të pestë finalistë edhe pse një prej tyre nuk do të jetë i tillë realisht. Ai mendon se banorët janë psikologjikisht të rënduar pasi secili është afër fitores dhe e mendon veten fitues të mundshëm.

Gjithashtu, ajo bën edhe një lidhje me Enon, bashkëpuntorin e saj i cili ndodhet në ambientet jashtë shtëpisë ku ka filluar një atmosferë festive e cila do të arrijë kulmin kur të shpallet fituesi. Arbana përshëndet Enon. Përreth skenës ndodhet një pjesë e publikut, fansat e banorëve, të cilët do të jenë të parët që do të presin të eleminuarit dhe fituesin e këtij edicioni.