Jetmiri largohet nga dhoma e ndenjjes ku të tjerët po diskutojnë e shkon në dhomën e gjumit ku ndodhen Pamela, Seldi dhe Domenika.

Jetmiri reagon sikur Renato e ka bezdisur me pyetësorin që po i bënte Eduardit dhe e krahason me një hetues atë. Domenika e justifikon banorin e ri dhe thotë se ai pyet për t’i njohur të gjithë, por si Jetmiri dhe Seldi mendojnë se ka forma të tjera njohjeje të një njeriu e jo ta pyesësh pa mbarim.

Miri fillon ta imitojë atë kur tha se i pëlqenin “talk show” e shton se Renatoja po bën rolin e një drejtuesi emisionesh. Komentet për Renaton vazhdojnë edhe në kopsht ku me dy djemtë bashkohet edhe Erioni dhe Hakiu.

Ata qeshin dhe imitojnë mënyrën e të folurit të tij e të të sjellurit. Miri thotë se do të pozicionohet e do të tregojë njohuritë intelektuale që ka ,sidomos ato në filozofi. “Ky harron që ne jemi karagjoza”- thotë ai me shaka. Ata imitojnë e qeshin dhe krijojnë një atmosferë komike. “Ky po vazhdoi kështu, të shtunën është në nominim”- shprehet Hakiu.